Ахборот хавфсизлиги бўйича эксперт Андрей Слободчиков "Прайм" агентлигига берган интервьюсида WhatsApp энг хавфли мессенжер эканлигини айтди.
Экспертнинг сўзларига кўра, муҳим заифликлар кўпинча WhatsAppда аниқланади.
“Масалан, яқинда WhatsAppда 10тадан мос равишда 9,8 ва 7,8 критиклик даражалари берилган иккита заифлик аниқланди, бу қурилмада ўзбошимчалик билан кодни ишлатиш ва ундан чексиз фойдаланиш имконини берди”, — деди мутахассис.
Биринчи ҳолда, бузғунчи қурилма фойдаланувчиси билан видеоқўнғироқни бошлаши, иккинчи ҳолда эса қурилмага юклаб олинган видеони зарарли код билан юбориши кифоя қилди. Шунингдек, унча машҳур бўлмаган мессенжерларда ҳам каттароқ заифликлар учраши мумкин, деди Слободчиков.
“Шуни яхши билиш керакки, шахсий маълумотлар сизиб чиқишининг сабаби кўпинча мессенжерларнинг заифлигида эмас, балки фойдаланувчиларнинг рақамли саводсизлигидадир. Кўпинча одамлар иловаларни янгилашни унутишади, бу эса маълумотлар сизиб чиқиш эҳтимолини оширади ва қурилманинг хавфсизлигини пасайтиради”, — дея таъкидлади эксперт.
