Қайд этилишича, қисман эриган тоғ жинси плиталар тектоник ҳаракатларида муҳим роль ўйнайди. Бу ҳақда Nature Geoscience журналида чоп этилган мақолада айтиб ўтилган.
Қатлам Ер юзасидан юз километрдан ортиқ масофада жойлашган. У астеносферанинг бир қисми бўлиб, мантия тепасида тектоник плиталар остида жойлашган.
Олимларнинг фикрига кўра, астеносфера қўшни қатламлар билан бир қаторда анча қайишқоқдир, шунинг учун литосфера плиталарининг у орқали ҳаракатланиши осонроқ.
Қийишқоқликнинг сабаби эриган тошлар билан боғлиқ бўлиши мумкин.
“Астеносферанинг ёпишқоқлик даражаси паст экани ундаги сейсмик тўлқинлар тезлигининг пасайишига олиб келади, аммо бу зонанинг пастки чегараси яхши ўрганилмаган. Биз мантиянинг сейсмик тасвирларини таҳлил қилдик, астеносферанинг глобал харитасини олдик ва 150 километр чуқурликда сейсмик тезликнинг ижобий градиенти мавжудлигини аниқладик (тезлик чуқурликдан кучайишни бошлайди). Бу қатлам астеносферанинг асоси бўлиб, у ерда қисман эритма мавжуд”, дейилади мақолада, деб хабар беради korrespondent.net.
