Бу ҳақда Россиянинг Амалий геофизика институти хабар берди.
Институт маълумотларига кўра, Ернинг магнит майдонининг бузилиши (кучи) беш балли шкала бўйича G1 даражасига етди, бу ерда G5 “ўта кучли” ва G1 “кучсиз”.
Бироқ, ТАСС маълумотларига кўра, Россия Фанлар академиясининг Қуёш астрономияси лабораторияси мутахассислари 24 соат ичида G2-G3 даражаларига кўтарилиши мумкинлиги ҳақида огоҳлантиришди.
“Бўронларнинг аниқ белгиланган, ягона сабаби йўқ ва улар Ер магнитосферасининг ой бошидан бери кузатилган ўта юқори қуёш фаоллигига умумий реакциясидир. Бунга сабаб 2 февраль куни сўнгги 18 ой ичидаги энг катта Х8.1 синфидаги чақнаш пайтида коинотга чиқарилган плазма булути бир қисмининг олдинги оқшомда етиб келиши бўлган”, дея қайд этилади лаборатория хабарида.
Аввалроқ, 4 февраль куни 15 бор қуёш чақнаши, жумладан, энг юқори тоифадаги (Х) чақнашлардан бири қайд этилган эди, деб хабар берди inform.kz.
