Бу ҳақда Uzbekistan Airports маълум қилди.
Қайд этилишича, Fly One Asia авиакомпаниясининг 7Q7742 рейси (Мадина – Тошкент) Мадина аэропортига ортга қайтди. Шунингдек, ушбу авиакомпаниянинг 7Q4442 рейси (Мадина – Фарғона) ҳам Мадина аэропортига қўнишга мажбур бўлди.
Jazeera Airways авиакомпаниясининг J9650 рейси (Тошкент – Қувайт) Тошкентдан маҳаллий вақт билан соат 02:01 да учиб чиққан бўлса-да, яна Тошкент халқаро аэропортига қайтди.
Sam Air авиакомпаниясининг 9S3303 рейси (Самарқанд – Жидда) маҳаллий вақт билан 02:04 да ҳавога кўтарилиб, Самарқанд аэропортига ортга қўнди.
Fly Khiva авиакомпаниясининг 2U7911 рейси (Урганч – Мадина) Урганчдан соат 02:17 да учиб чиқиб, яна Урганч аэропортига қайтди.
Шунингдек, Uzbekistan Airways авиакомпаниясининг HY336 рейси (Жидда – Тошкент) ҳам Эрон ҳаво ҳудуди ёпилгани сабабли Жидда аэропортига қайтишга мажбур бўлди.
