Футбол бўйича 2028 ва 2032 йиллардаги Европа чемпионатлари мезбонлиги кимлар даъвогарлик қилмоқда?
УЕФА тарқатган хабарда айтилишича, Туркия 2028 ёки 2032 йилги турнирни ўтказишга даъвогар. Италия фақат 2032 йилги қитъа чемпионатига мезбонлик қилиш учун ариза топширган. Шунингдек, Буюк Британия ва Ирландия Евро-2028 мезбонлиги учун биргаликда ариза берган.
Номзодлар якуний ҳужжатларни келгаси йил апрелигача топширишлари керак. Евро-2028 ва Евро-2032 ўйинлари ўтказиладиган мамлакатлар номи 2023 йилнинг кузида эълон қилинади.
