Франциянинг 14 шаҳрида қизил ҳавф даражаси эълон қилинган. Парижда, таҳминларга кўра, ҳаво ҳарорати 40 даражагача қизиши, Франция шарқида эса қурғоқчилик дарёлар қуришига олиб келиши мумкин. Бу ҳақда “Daily Mail” хабар бермоқда.
Африкадан келган иссиқ тўлқинлар туфайли Шунингдек, Испания аҳолиси ҳам ғайритабиий жазирамадан азият чекмоқда. Мамлакатдаги ўнта автоном ҳукумат юқори тайёргарлик ҳолатига келтирилган.
Римда ҳарорат 39 даражага етгани боис куннинг иссиқ пайтида қариялар ва болаларнинг ташқарига чиқиши тақиқланган. Италия Соғлиқни сақлаш вазирлиги ўнта шаҳарда об-ҳавонинг "қизил" хавф даражасини эълон қилган.
Ҳаво ҳарорати 32 даражани кўрсатаётган Нидерландияда эса гавжум пляжлар туфайли фуқаролар коронавирус тарқалиши хавфи ҳақида огоҳ этилган.
Таъкидланишича, Буюк Британия, Германия, Швейцария, Болгария ва Австриянинг бир қатор шаҳарларида ҳам ғайритабиий иссиқ ҳаво кузатилмоқда.
