Лолахон Муротова қишлоқ хўжалигида, хусусан, боғдорчилик ва деҳқончиликда ёшлар ўрнак оладиган, тажрибаларини оммалаштиришга арзийдиган илғор соҳа мутахассисидир.
Шу боис, Лола опанинг хизматлари алоҳида эътироф этилиб, 2019 йилда ушбу шижоатда ягона фермер аёлга Фарғона давлат университетининг “фахрий профессори” унвони берилган.
Лола Муродованинг мазкур соҳада олиб бораётган шарафли ишлари, ғайрати ва ташаббускорлиги учун университет раҳбарияти томонидан миннатдорчилик билдирилиб, эсдалик совғалари тақдим этилди.
— Лола опа нафақат Фарғона аҳлининг, балки барча аёллларимизнинг, миллатнинг фахридир. Бугун бу заҳматкаш аёл яратган ўзига хос мактаб — мамлакатимиз қишлоқ хўжалигининг бир қисмига айланган, унинг элпарварлиги сабаб, фермер хўжалигида ишлаб аҳил бир оиладек бўлиб кетган қанчадан қанча хонадонларнинг қозони қайнамоқда, — дейди университет ректори Б.Шермуҳаммадов.
Опа кўп йиллар давомида тракторчи, оддий ишчи, механик, табелчи, бригадир, бўлим бошлиғи, хўжалик раиси сифатида меҳнат қилган ва Марказий Фарғонанинг чўл-дашт ерларида пахта, бошоқли дон етиштириб, фермерликда ўзига хос тажриба ва маҳорат орттирган. Шу саъй-ҳаракатлари туфайли давлатимизнинг кўплаб мукофотларига сазовор бўлган.
