ИИВ Транспорт ва туризм объектларида хавфсизликни таъминлаш департаментининг маълум қилишича, ҳодиса 10 май куни соат 08:32 ларда Данғара тумани Ғумайли МФЙ ҳудудида содир бўлган.

«Андижон–Марғилон–Тошкент» йўналишида ҳаракатланаётган 729-сонли йўловчи поезди машинисти темир йўл излари орасида маст ҳолда юрган 1983 йилда туғилган фуқарони кўриб, поездни зудлик билан тўхтатган.

Шундан сўнг поезд «Қўқон–Бувайда» темир йўл бекатлари оралиғидаги 7-километр 1-тўсиқда қисқа муддатга тўхтаб қолган.

Ҳодиса оқибатида ҳеч ким жароҳат олмаган. Поезд соат 08:45 да ҳаракатини давом эттирган.

Ҳозирда ҳолат юзасидан тегишли текширув ишлари олиб борилмоқда.