Москванинг ЦСКА клуби Премьер-лиганинг 12-турида Қозонда “Рубин” меҳмони бўлди. Ўйин 0:0 ҳисобида тугади. Баҳсдан сўнг ҳамюртимиз Аббосбек Файзуллаев армиячиларнинг энг яхши ўйинчиси деб топилди. Бу футболчимизнинг кетма-кет учинчи ўйинда шундай шарафга сазавор бўлиши.
Қозонликлар сафида тўп сураётган ўзбекистонлик футболчилар – Ашурматов ва Раҳмоналиев бу сафар майдонга тушмади.
