Италияда чиқадиган Corriere dello Sport газетасининг ёзишича, ФИФА футбол ўйинларининг биринчи ва иккинчи бўлимга қўшиб бериладиган дақиқалар миқдорини кўпайтиришни режалаштирмоқда. Мазкур режа амалга ошса, айрим ҳолларда ўйинлар вақти 100 дақиқадан ҳам узоқроқ давом этади.
Яқинда Италияга ташриф буюрган ФИФА президенти Жанни Инфантино бундай ғоя кўриб чиқилаётганини тасдиқлаган.
Бу ўзгариш жорий йилда Қатарда бўлиб ўтадиган жаҳон чемпионатида синовдан ўтказилиши мумкин. Лекин бунга Халқаро футбол ассоциацияси кенгашининг (IFAB) розилиги керак.
