Бу ҳақда “Хабар 24” телеканали интернет саҳифасида шундай дейилади:
“Одатда экзотик қушлар апрель ойининг бошларида келади. Бу сафар биринчи гуруҳ февраль ўрталарида пайдо бўлди. Маҳаллий экологлар бу ўзгаришларни кескин исиш, минтақага метеорологик баҳорнинг эрта келиши билан изоҳламоқда. Пуштиранг қушлар Ақтаудан 15 километр узоқликдаги сунъий кўлда жойлашган. Бу сув омбори фламинголар учун емишга бойдир”.
Эслатиб ўтамиз, кейинги 10 йилликда Қорақалпоғистон Республикасининг Мўйноқ тумани ҳудудида жойлашган Судочье кўлида ҳам фламинголар тўдаси пайдо бўлган.
2014 йил баҳорида Судочье кўллар тизимида олиб борилган орнитологик тадқиқотлар вақтида кўлнинг шарқий чегарасидаги кичикроқ оролда фламинголарнинг катта уяловчи колонияси топилган. Ўшанда олимлар оролда фламингонинг 7000 особи ва 3000 га яқин уясини санаган. Бу Ўзбекистондаги энг катта колония бўлиб, у бутун дунёдаги популяциянинг 1,4 фоизини ташкил қилади.
