Биринчи ўринни “Америкаликлар оиласи” сериали билан танилган колумбия-америкалик актриса ва модель София Вергара эгаллади — унинг даромади 43 миллион АҚШ долларини ташкил этди.
Вергаранинг даромадларига гонорарлардан ташқари Walmart и Rooms To Go тармоқлари реклама кампанияларидан тушадиган пуллар ҳам қўшилган.
Иккинчи ўринда бу йил 35,5 миллион доллар ишлаб топган Анжелина Жоли турибди. Нашр маълумотларига кўра, у деярли барча пулларини фильмларга тушишдан олади. Жолининг йиллик даромадининг деярли учдан бир қисми 2021 йилда экран юзини кўриши кутилаётган “Абадият” фильми учун тўланадиган гонорар ҳисобига тўғри келади. “КиноПоиск” порталининг хабар беришича, Жоли бу фильмдаги роли учун 10 миллион доллар олган.
Кучли учликни “Ажойиб аёл” ва “Форсаж” фильмларининг юлдузи Галь Гадот 31,5 миллион долларлик даромад билан якунлайди. У келгуси йилда чиқиши режалаштирилган “Қизил хабарнома” триллеридаги роли учун 20 миллион доллар олган.
Комедия юлдузи ва бошловчиси Мелисса Маккарти 25 миллион доллар билан тўртинчи ўринни эгаллади. Бешинчи ўрин Голливуд фахрийси Мерил Стрипга насиб этди. У жорий йилда 24 миллион доллар даромад олишга эришди.
6-ўрин - Эмили Блант (22,5 миллион доллар).
7-ўрин - Николь Кидман (22 миллион доллар).
8-ўрин - Эллен Помпео (19 миллион доллар).
9-ўрин - Элизабет Мосс (16 миллион доллар).
10-ўрин - Виола Дэвис (15,5 миллион доллар).
