Унинг таъкидлашича, Россия ва Украина ўртасида бир ойлик муддатга мўлжалланган вақтинчалик сулҳ имзоланиши ҳаво ва денгиздаги зарбалардан, шунингдек, энергетика инфратузилмасига ҳужумлардан воз кечишни назарда тутади.
“Агар ўт очиш тўхтатилган тақдирда, унинг фронтда риоя қилинаётганини текшириш жуда қийин бўлади”, деди Макрон ва фронт чизиғи узунлиги Париждан Будапештгача бўлган масофага тенг эканлигини қўшимча қилди.
Унга кўра, “яқин ҳафталарда Украина тупроғида Европа қўшинлари бўлмайди”. Музокаралар кўп ҳафталар давом этиши ва тинчлик битими имзолангандан кейин тинчликпарвар кучлар сафарбар этилиши мумкин.
Франция раҳбари қўшимча қилганидек, унинг мамлакати ва бошқа Европа давлатлари ялпи ички маҳсулотининг 3-3,5 фоизини мудофаага сарфлашлари керак.
“Европа комиссияси мудофаа харажатларини молиялаштиришга янада ижодий ёндашиши керак”, деди Макрон.
Эслатиб ўтамиз, 28 февраль куни Зеленский Оқ уйда АҚШ Президенти Дональд Трамп билан учрашган эди. Суҳбат чоғида Украина Президенти АҚШ Вице-президенти Жей Ди Венс билан, сўнгра Трамп билан оммавий баҳсга киришиб кетганди, деб хабар беради kaktus.media.
