Талабаларнинг Шон шараф музейига ташрифи уларни ватанпарварлик руҳида тарбиялашда катта аҳамият касб этади. Сабаби, улар иккинчи жаҳон уруши жангларида мардлик ва жасорат, фронт ортида матонат ҳамда инсонпарварлик намуналарини кўрсатган кўпмиллатли Ўзбекистон халқининг фашизм устидан қозонилган буюк Ғалабани таъминлашга қўшган муносиб ҳиссаси, иккинчи жаҳон уруши қатнашчилари ва фронт ортида фидокорона меҳнат қилган юртдошларимизнинг номларини абадийлаштирилганлиги ҳамда Ўзбекистон халқининг юртимизга эвакуация ва депортация қилинган турли миллат вакиллари, хусусан, болаларнинг бағрикенглик билан кутиб олиниши ва уларга ҳар томонлама амалий ёрдам кўрсатилиши сингари тарихий воқеаларнинг гувохи бўлишди.
Бундан ташқари, Ғалаба боғи мажмуаси ўнг томонидан Иккинчи жаҳон уруши даврида 1941-1945 йилларда ғалабага эришиш учун қўлланилган ҳарбий техникалар, қурол-аслаҳалар жойлаштирилиб, уруш даврига оид инсталяциялар (блиндаж, окоп, дала тиббиёт пункти, дала ошхонаси, партизанлар шаҳарчаси ва ҳоказолар) боғ айланаси бўйлаб, яхлит бир композиция сифатида барпо этилганлиги талабаларни янада руҳлантирди.
Экспонатлар Ўзбекистон халқининг хиссасини акс эттирадиган боғнинг мухим қисми бўлган Шон-шараф музей аждодлари, уруш ва мехнат фахрийларига бўлган юксак ифтихор ва эхтиром туйғуларини уйғотди.
Айнан шундай унутилмас жойларни зиёрат қилиш орқали тарихий хотира қайтади, ўз ватани учун миннатдорчилик ва ғурур ҳисси пайдо бўлади. Биз ўша фожиали воқеаларни ва улкан йўқотишларни унутолмаймиз. Одамлар ўлимга, очликка, яқинларини йўқотишга кўниколмайдилар. Шу хиссиётлар туфайли, биз шу кунгача аждодларимизнинг буюк ишини эслаймиз ва яшаш ҳуқуқи учун уларга миннатдормиз. Ватанпарварлик тарбияси ва ўз мамлакати ва халқи маданиятига ҳурмат билан муносабатни шакллантириш муаммоси ҳар куни ва босқичма-босқич ҳал этилиши керак, бу ерда маданий ва тарихий ёдгорликлар муҳим тарбиявий ва инсонпарварлик ролини ўйнайди.
Хулоса қилиб айтганда, ушбу тадбир маълум бир даражада эзгу йўллардан бири – севимли Ватанимиз ва халқимизни манфаатларини ҳимоя қилиш учун хуқуқни мухофаза қилиш тузулмаларида ходим ва ҳарбий хизматчи бўлишни ўзининг энг юксак мақсади сифатида танлаган талаба ёшларимизда ватанпарварлик туйғусини шакиллантиришга ва тарбиясига таъсир қилади.
Агзам Мирзаев, Фаррух Досумхўжаев,
Тошкент давлат юридик университетининг
Ихтисослаштрилган филиали ўқитувчилари
