Кеча Осиё Чемпионлар Лигасида сўнгги 6-тур ўйинлари бўлиб ўтди. Турнинг Е гуруҳидан жой олган Қаршининг “Насаф” жамоаси Иорданиянинг “Ал Виҳдат” клубига қарши майдонга тушди. Қизғин кечган баҳсда 2:2 ҳисоби қайд этди. Қаршиликлардан голларни Марко Станоевич ва Ҳусайн Норчаевлар киритди.
Бу жанговар дуранг “Нафас”ни ОЧЛ плей-оффига олиб чиқди. Улар гуруҳда 9 очко жамғарди ва иккинчи ўринни эгаллади. Гуруҳда биринчи ўринни “Ал Файсали” банд этди.
Нимчорак финал ўйинлари келгуси йилнинг 3-4 февраль кунлари бўлиб ўтади. Унда “Насаф” В гуруҳи ғолиби, Саудия Арабистонининг “Аш Шабоб” клубига қарши майдонга тушади.
