Мутахассисларнинг фикрича, унинг фаоллашишидан аввал юқори сейсмик фаоллик кузатилган. Табиий офат туфайли ҳудуднинг авиация парвозлари учун хавфлилик даражаси “тўқ сариқ”дан “қизил”га кўтарилди.
Гавайи вулқон расадхонаси якшанба куни тушдан кейин Килауэа чўққисида вулқон ҳаракатга келгани кузатилганини хабар берди. Расадхона вакилларининг таъкидлашича, унинг фаоллашиши оқибатида чиқарилган газлар шамол таъсирида вулқон тутуни юзага келишига сабаб бўлади. Яқин атрофда яшовчи одамлар ҳавога чиқарилган вулқон зарраларидан ўзларини ҳимоя қилиш чораларини кўриши керак.
Килауэа вулқонининг баландлиги 1247 метр бўлиб, у йил бошидан бери учинчи бор ҳаракатга келди, деб хабар беради mir24.tv.
