Тадбир давомида Ўзбекистонда сайёҳлар оқимини тиклаш ва мамлакатнинг туризм салоҳиятини янада юксалтириш бўйича таклифлар ишлаб чиқиш, шунингдек, соҳада академик алмашув ва ҳамкорликни кенгайтириш истиқболлари масалалари муҳокама қилинди.
Иштирокчилар томонидан икки Олий ўқув юрти ўртасидаги ҳамкорликни кенгайтириш, янги меҳмонхоналар қуришга хорижий инвесторларни жалб этиш ва меҳмонхоналарни бошқаришни таниқли меҳмонхона операторларига ўтказиш имкониятлари ҳам муҳокама қилинди.
Шунингдек, Германия университети ўқитувчиларини Самарқанд университетининг ўқув жараёнига жалб қилиш каби имкониятлар кўриб чиқиляпти.
Тадбир якунига кўра, қуйидаги келишувларга эришилди:
Дрезден амалий фанлари университети ва «Ипак йўли халқаро туризм университети талабалари ва ўқитувчиларининг 2021 йилнинг биринчи ярмида (Германиянинг DAAD Германия академик алмашинув хизмати молиявий кўмаги билан) Ўзбекистон ва Германиядаги қисқа муддатли курсларда ўзаро иштирокини ташкил этиш мақсадида 2021 йил 5 январдан кечиктирмай ушбу лойиҳанинг концепциясини ишлаб чиқиш учун ишчи гуруҳ тузилишига келишиб олинди, деб хабар беради Туризмни ривожлантириш давлат қўмитаси матбуот хизмати.
