Google компанияси Grace Hopper сув ости оптик толали кабелини АҚШдан Испания ва Буюк Британияга олиб чиқишни бошлади, дея хабар беради ТАСС.
Америкалик компьютер дастурлаш олими шарафига номланган Grace Hopper Интернет кабели АҚШни Буюк Британия ва Испания билан боғлайди.
Grace Hopper Google тарихида АҚШни Испания билан боғлайдиган биринчи интернет кабели бўлади. Кабелнинг узунлиги АҚШдан Буюк Британияга қадар 6 250 километр ва АҚШдан Испаниягача 6 300 километрдир.
Аввалроқ АҚШ расмийлари Googleни бозордаги монополияда айблаш ниятида экани хабар қилинганди. Манбаларга кўра, келгуси ҳафталарда мамлакат Адлия вазирлиги корпорацияни судга бериши мумкин.
