Қуруқликдаги музликлар океанга “сурилиши” оқибатида денгиз сатҳининг кўтарилиши яқин ўн йилликларда кескин тезлашиши мумкин.
“Шимолий Гренландия музликлари денгиз сатҳининг 2,1 метрга кўтарилиши учун етарли ҳажм ва оғирликка эга. Ҳозирча улар барқарорлигича қолмоқда, чунки муз шельфлари уларни денгизга сирғалиб кетишидан сақлайди. Бизнинг кузатишларимиз шуни кўрсатдики, қирғоқ музликларининг ҳажми 1978 йилдан буён 35 фоиздан кўпроққа камайди, бу эса келажакда денгиз сатҳининг кескин кўтарилишига олиб келиши мумкин”, — дейилади тадқиқотда.
Гренобль университетининг (Франция) Ромен Миллан бошчилигидаги бир гуруҳ европалик иқлимшунослари Гренландиянинг шимолий қисмини ўраб турган саккизта энг йирик муз шельфлари ҳолатини ўрганиш чоғида ана шундай хулосага келишди. Ҳозирча бу муз массалари сўнгги ўн йилликларда майдони ва ҳажми бўйича фаол равишда қисқараётган ва шимолий музликларга қараганда икки-уч баравар кўпроқ ҳажмини йўқотаётган жанубий томондаги музликларга нисбатан барқарор ҳисобланади.
Тадқиқотлар учта музлик – Остенфилд, Захария-Истрем ҳамда Хаген-Брэ парчаланиб кетганини кўрсатди. Олимларнинг айтишича, бу шимолий Гренландиядаги баъзи музликларнинг денгиз томон тезроқ ҳаракатлана бошлашига ва тезроқ эришига олиб келди.
Оқибатда оролнинг шимолий соҳилидаги денгиз музликларининг ҳажми 445 куб километрга камайди. Олимлар яқин келажакда бу жараёнлар тезлашишишини башорат қилмоқда. Чунки Арктикада денгизи ҳарорати кўтарилади, бу эса Гренландиянинг барча музликларининг ўпирилиб тушишига ва яқин ўн йилликлар ва асрларда денгиз сатҳининг жуда тез кўтарилишига олиб келиши мумкин, деб хабар беради tass.ru.
