Грипп вируси иккита асосий – А ва В вариантларга эга, аммо улар мавжуд вакциналарга тезда мослашади, шунинг учун ҳар йили янги дорилар ишлаб чиқилиши керак. Бу катта молиявий харажатларини ҳамда вақт талаб қилади. Қолаверса, ҳар доим ҳам самарали эмас, чунки муайян штаммлар учун эмлаш самарасиз бўлиши мумкин.
Дастлаб COVID-19 га қарши курашиш учун ишлаб чиқилган иккита янги вакцина РНК (мРНК) технологиясига асосланган. Бу танада ўзлаштирилса, иммунитет тизимини патогенни бартараф қилиш учун оқсил-антитаначаларни ишлаб чиқаришга олиб келадиган вируснинг генетик кодининг бўлакларини киритишни ўз ичига олади.
Илгари грипп билан касалланмаган 20 та сичқон устида ўтказилган тажрибалар давомида экспериментал субъектларга препаратнинг турли комбинациялари юборилди. Баъзилари фақат иккита турдаги мРНКни олишди, бошқалари эса тўртта. Айримлари бир неча марта эмланди.
Кейинги таҳлиллар шуни кўрсатдики, барча ҳайвонларда антитаначалар ишлаб чиқариш маълум даражада ошган, аммо тўртта вакцинани олган сичқонлар энг ҳимоялангани маълум бўлди. Бундан ташқари, тадқиқотчилар баъзи комбинациялар сичқонларда ҳам, одамларда ҳам гриппга қарши курашда муҳим роль ўйнайдиган ситотоксик Т-ҳужайраларининг ўсишига олиб келишини аниқлашди.
