Агентлик маълумотларига кўра, автобус Сан-Агустин Акасагуастлан шаҳридан мамлакат пойтахти Гватемала шаҳрига кетаётганда кўприкдан жарликка қулаб тушган.
Маҳаллий нашрларнинг ёзишича, автобус ҳайдовчиси бошқарувни йўқотган. Автобус бир нечта автомобиль ва металл кўприк панжарасига бориб урилган, сўнгра кичик дарё оқиб ўтадиган жарликка қулаб тушган.
Воқеа жойидан олинган суратларда автобус қисман сувга ботганини кўриш мумкин. Тахминларга кўра, ҳодисага автобус тормозининг носозлиги сабаб бўлган.
Ҳодиса оқибатида камида 36 эркак ва 15 аёл ҳалок бўлди. Гватемалада уч кунлик миллий мотам эълон қилинди, деб хабар беради centralasia.media.
