Натижада вайронагарчиликлар тагидан етти нафар қурбон бўлган шахслар жасади топилган ва яна тахминан 170 киши дом-дараксиз йўқолган деб эълон қилинган.
Бу ҳақда табиий офатларни бартараф этиш бўйича давлат марказининг якшанбада тарқатган маълумотларида хабар берилган.
«Бугун Уттаракханддаги сув тошқини оқибатида етти киши қурбон бўлган, олти киши яраланган, тахминан 170 киши дом дараксиз йўқолган», дейилади хабарда. Аввалроқ 10та қурбон ҳақида сўз кетганди.
Ҳозир муз қулаб тушиши оқибатида бекилиб қолган иккинчи тоғ туннелидан ишчиларни қутқариш бўйича қутқарув ишлари олиб бориляпти. Қутқарув ишларига чегарачилар ҳам жалб этилган. Чегара қўшинлари матбуот-вакили Вивек Пандеининг берган маълумотига кўра, дастлабки маълумотларга кўра, туннелда камида 30 киши қолган бўлиши мумкин. Аввалроқ қутқарувчилар бошқа туннелдан 16 нафар ишчини қутқаришга муваффақ бўлган.
The Times of India Пандеининг «Биз кечаси ҳа операцияни давом эттирамиз. Гуруҳимиз ишлаяпти, ва биз уларни қутқаришимизга ишонамиз», — деган сўзларини келтирган.
Муз бўлаги Ганга индуслари учун муқаддас саналган ирмоқларидан бири Дхаулиганги дарёси ҳудудида эрталаб кўчиб тушган. Қутқарув ишларини табиий офатлар таъсирига жавоб Миллий кучининг бир неча бригадалари, шунингдек, чегарачилар ва маҳаллий қутқарувчилар олиб боряпти. Муз кўчкиси оқибатида қурилаётган электростанция тўғони бузилиб кетган. Қурилишда ишлаётган ўнлаб одамлар, шунингдек, мазкур ҳудудда амалга оширилаётган темир йўл ва авто йўл лойиҳаларида банд бўлганлар тўғрисида ҳалигача дарак йўқ, деб хабар беради ТАСС.
