Ўзбекистон миллий жамоаси ва “Насаф” клуби ҳимоячиси Туркия Суперлигасига ўтиши мумкин. Karadenizgazete нашри хабарига кўра, у ўтган мавсум якунларига кўра, қуйи лигадан Туркия Суперлигасига қайтган “Ризаспор” клуби билан келишувга эришган.
24 ёшли футболчимиз янги клубида легионер эмас, маҳаллий футболчи мақомида бўлади. Чунки Туркия футбол федерацияси қарорига кўра, Туркий тилли давлатлар кенгашига аъзо мамлакат футболчилари бу юртда легионер ҳисобланмайди.
Ҳуснидин Алиқулов Суперлига жорий мавсумида 12 ўйинда 5та голга муаллифлик қилган.
