Бир ҳафта ичида Tesla акциялари 15 фоизга камайди, натижада Маскнинг бойлиги 20,5 миллиард долларга тушди. У сайёрадаги энг бой одамлар рўйхатида учинчи ўринда қолмоқда.
Маск шоуга чиқиш пайтида тахминан 166 миллиард долларга эга эди. У дастурнинг энг бой меҳмонига айланди.
Шоуда у ўзида Аспергер синдромининг мавжудлигини тан олди (ижтимоий мулоқотдаги қийинчиликлар, атрофдаги дунёни англаш, стереотипик қизиқишлар ва фаолияти билан боғлиқ руҳий бузилиш), у ўзининг бизнес режаларидан кулиб қўйди ва бир нуқтада шоу Dogecoin крипто валютасини фирибгарлик деб атади.
Бу чиқиш крипто-валюта қийматининг кунига 30 фоиздан кўпроқ пасайишига олиб келди. 13-май куни тадбиркор Tesla ўзининг электромобилларини биткоин учун сотишни тўхтатаётганини эълон қилди. Ушбу хабар фонида энг қиммат крипто валютасининг нархи дарҳол 17 фоизга ва кейинроқ эса 47 минг долларга тушиб кетди. Бу ҳафта акцияларнинг 15 фоиз пасайиши Маскнинг миллиардлаб маблағини йўққа чиқарди. Бу маблағ асосан Teslaнинг 21 фоиз ва SpaceX космик компаниясининг акцияларидан иборат эди.
