Ўзбекистон ва Исроил ўртасида қишлоқ хўжалиги соҳасидаги ҳамкорлик қишлоқ хўжалиги ва озиқ-овқат маҳсулотлари экспорти ва импорти айланмаси, қуритилган мева ва сабзавотлар, қайта ишланган маҳсулотлар, қандолат маҳсулотлари, кўчатлар доирасида ташкил этилган.
Исроил қишлоқ хўжалигининг қатор йўналишларида, жумладан, сув ресурсларидан самарали фойдаланиш, қурғоқчиликка чидамли қишлоқ хўжалиги, аниқ деҳқончилик, барқарор экинлар ва бошқаларда катта тажрибага эга.
Азиз Воитов ўз нутқида икки давлат ўртасидаги ҳамкорликни янада ривожлантириш учун бир қанча йўналишларни ривожлантиришга эътибор қаратишни таклиф қилди. Биринчиси, ерларни ўзлаштириш. Маълумки, Ўзбекистонда, Орол денгизи ўрнида дунёдаги энг ёш Оролқум чўли вужудга келган. Қадамлардан бири Оролбўйининг қурғоқчил ва шўрланган ерларига қарши курашишда Исроилдан мутахассислар ва технологияларни жалб этиш таклиф қилинди.
Икки давлат ҳамкорлигидаги иккинчи муҳим нуқта сувни тежовчи технологияларни ривожлантиришдир. Ўзбекистон сув ресурсларини тежаш учун Исроил технологияларини жалб этишдан манфаатдор. Кейинги банд – илм-фан соҳасидаги ҳамкорлик. Бугунги кунда Ўзбекистон Исроил халқаро ҳамкорлик агентлиги (MASHAV) ва Қишлоқ хўжалигини ривожлантириш бўйича халқаро ҳамкорлик маркази (SINADCO) билан ҳам мамлакатимизда, ҳам Исроилда қўшма тренинглар ва семинарлар ташкил этиш бўйича ҳамкорликни йўлга қўйишдан манфаатдор.
Шунингдек, Тошкентдаги Халқаро қишлоқ хўжалиги университети (IAU) ва Тел-Авив университети ўртасида қуйидаги йўналишларда кўприк ўрнатиш бўйича кенг фаолият йўналиши мавжуд: MASHAV грантлари доирасида ТДАУ ва IAU университетлари профессор-ўқитувчилари малакасини ошириш; Қуддусдаги Тел-Авив университети билан икки томонлама диплом бериш бўйича қўшма таълим дастурларини амалга ошириш.
Ўз навбатида, Зеҳавит Бен Ҳиллел хоним таклиф этилган лойиҳаларни амалга оширишга тайёрлигини билдирди. Йиғилишда у Исроилнинг Ўзбекистондаги элчихонаси ва MASHAV ҳамкорлигида ҳар йили амалга оширилаётган дастурлар ва бу дастурларда Қишлоқ хўжалиги вазирлиги ходимлари ва аграр соҳа мутахассислари иштирок этиши мумкинлиги ва сувни тежаш технологиялари ҳамда Исроил университетларининг ўз ҳудудида Ўзбекистондан келган олимлар ва талабаларни қабул қилишга тайёрлигини айтиб ўтди. Шунингдек, кузда Исроил ва Ўзбекистон мутахассислари иштирокида қишлоқ хўжалигига оид кўргазма ўтказиш режалаштирилган, деб хабар беради Қишлоқ хўжалиги вазирлиги матбуот хизмати.
