Мамлакатда иссиқ об-ҳаво туфайли сув ҳавзалари саёз бўлиб қолди. Яқинда юқори ҳаво ҳарорати бўйича рекорд қайд этилди – 49,5 даража. Фуқаролардан имкон қадар сувни тежаш сўралади.
Истанбулни сув билан таъминлайдиган ўнта сув омборининг барчаси деярли саёз. Таққослаш учун, ўтган йилнинг август ойида улар 62 фоизга тўлдирилган бўлса, ҳозир сув ҳажми учдан бирига камайди.
Шаҳар аҳолиси кунига ўртача 3,5 миллион куб метр сув истеъмол қилади. Ва сув омборларида 300 миллиондан кам қолди, яъни тахминан 90 кунга етади.
Иссиқлик туфайли сув истеъмоли ошди, аммо расмийлар аҳолидан уни тежашни талаб қилмоқда – бу фалокатдан қочиш ва ёмғирли мавсумга етиб боришнинг ягона йўли. Аҳоли сув қувурларини тартибга солишга чақирилди.
Шаҳар ҳокимининг шахсан ўзи тежамкорроқ бўлишни сўраган. Коммунал хизматлар экстремал чоралар кўришни, хусусан, сув тарифларини бир ярим, ҳатто икки баравар оширишни таклиф қилишмоқда. Олимлар денгизлар қурғоқчиликдан қутқаришда муҳим восита бўлади, деб ҳисобламоқда, деб хабар беради mir24.tv.
