Бёрге Бренде Жаҳон иқтисодий форумидаги иши ниҳоятда самарали бўлганини таъкидлади. Хайрлашув нутқида у Эпштейн билан алоқаси ҳақида гапирмади.
АҚШ Адлия вазирлиги 2017 йилдан бери Жаҳон иқтисодий форуми президенти бўлиб ишлаган жаноб Бренде Эпштейн билан бир неча бор ишбилармонлик кечки овқатида бўлганлиги ва у билан электрон почта орқали ҳам гаплашгани ҳақида маълумот тарқатганди. Шундан сўнг, Жаҳон иқтисодий форуми раҳбарияти Бренденинг Эпштейн билан муносабатлари бўйича мустақил тергов бошлади.
Жеффри Эпштейн вояга етмаганларни жинсий эксплуатация қилишда айбланган. У 2019 йилда қамоқхонада вафот этган. Терговчилар Эпштейн ўз жонига қасд қилган деб ҳисоблашади. 30 январь куни АҚШ Адлия вазирлиги Эпштейн иши билан боғлиқ яна 3 миллион файлни эълон қилди. Вазирлик маълумотларига кўра, аввалгиларини ҳам қўшиб ҳисоблаганда, иш билан боғлиқ жами 3,5 миллиондан зиёд ҳужжат эълон қилинган.
