Миллий терма жамоамиз футболчиси Жалолиддин Машарипов Саудиянинг “Ан-Наср” клуби билан хайрлашгач, эркин агент бўлиб турибди. Сал аввалроқ матбуотда унга Туркиянинг “Трабзонспор” ва Эроннинг “Персиполис” клублари қизиқиш билдиргани ҳақида хабарлар пайдо бўлганди.
Куни кеча яна бир янгилик тарқалди. Журналист Иван Карповнинг таъкидлашича, Москванинг “Локомотив” клуби 30 ёшли ярим ҳимоячимизни ўз сафига қўшиб олмоқчи.
Таъкидлаш жоизки, Россия Премьер-лигасида трансфер ойнаси 14 сентябрь куни ёпилади. Темирйўлчилар РПЛда 7-турдан кейин 6-ўринда бормоқда.
