«Headam Media» продюсерлик компанияси менеджери Чэ Ми Рёнгнинг қайд этишича, сўнгги пайтларда кореялик сайёҳларнинг Ўзбекистонга нисбатан қизиқиши янада ортиб бормоқда. - Айниқса жаннатмакон юртингизнинг қадимий шаҳарлари, у ерда қад ростлаб турган улкан тарихий бинолари, турфа хил маданияти, санъати, ширин ноз-неъматларини кореликларнинг диққат-эътиборини тортмоқда, деди суҳбатдош.
Томонлар KBS ва KBS1 телевиденияларнинг «Дунё бўйлаб саёҳат қилиш» кўрсатувида сайёҳларни эътиборини ўзига тортувчи ўзбек халқининг миллий таомлари, меъморий ёдгорликлари, маданияти ва анъаналари, шунингдек, республиканинг замонавий туристик инфратузилмаси ҳақида ҳикоя қилувчи ҳужжатли фильм намойиш этишга, мазкур ҳужжатли фильмни суратга олиш мақсадида «Headam Media» компанияси вакилларини Ўзбекистонга ишчи сафарини амалга ошириш келишиб олинди.
Учрашув давомида шунингдек, Ўзбекистоннинг туризм соҳасидаги салоҳиятини кенг тарғиб этиш борасида Маданият ва туризм вазирлиги билан «Headam Media» ўртасида ҳамкорликни ўрнатиш истиқболлари ҳам муҳокама қилинди.
Маълумот тариқасида қайд этиш керак, 2005 йил ноябридан эфирга узатиладиган «Дунё бўйлаб саёҳат қилиш» кўрсатуви KBS телеканалининг энг машҳур саёҳат дастури ҳисобланади. 2006, 2012 ва 2019 йилларда Ўзбекистон мазкур телеканалда «Ипак йўлидаги воҳа» деб номланган дастурида иштирок этган.
