Аргентина ва Франция ўртасидаги финал ўйинни польшалик ҳакам Шимон Марчиняк бошқаради. У ушбу чемпионат доирасида Франция – Дания (2:1) ва Аргентина – Австралия (2:1) ўйинларида ҳакамлик қилган.
Марчинякга қанотларда Павел Сокольницки, Томаш Листкевич ёрдам беради. Томаш Квятковски захира ҳакам этиб тайинланган.
Аргентина – Франция ўртасидаги финал баҳс 18 декабрь куни “Лусаил” стадионида бўлиб ўтади.
Ундан бир кун олдин ташкил этиладиган Хорватия – Марокаш ўртасидаги учинчи ўрин учун бўлиб ўтадиган учрашувни мезбон Абдураҳмон Ал Жассим бошчилигидаги ҳакамлар бригадаси бошқариб боради.
