У сайёрани ҳимоя қилиш ва табиатни асраш орқалигина инсоният омон қолиши ва гуллаб-яшнаши мумкинлигини таъкидлади. “Табиатга бўлган муносабатни қайта кўриб чиқиш ва ўзгартириш вақти келди”, деди у.
Ҳисоботда айтилишича, бу асрда сайёрамиздаги яшаш ҳарорати Цельсий бўйича 3 даражага кўтарилиши мумкин, бу эса инсоният учун фалокатли кечади. Мавжуд 8 миллион турдан ортиқ ҳайвонлар ва қушларнинг бир миллионга яқин тури йўқ бўлиб кетиш арафасида.
Ҳавонинг ифлосланиши билан боғлиқ шароит ҳар йили 6,5 миллион кишининг бевақт ўлимига сабаб бўлади. Яна 1,8 миллион киши, асосийси болалар, сувнинг ифлосланишидан вафот этади.
Ҳукуматлар биринчи навбатда муаммони ҳал қилиш учун чора кўришлари керак — зарарли газлар чиқиндиларига солиқ солиш, ёқилғи қазиб олишни субсидиялашни тўхтатиш, табиатга зарар етказиши мумкин бўлган қишлоқ хўжалиги амалиётларига чек қўйиш ва “яшил иқтисодиёт”ни барпо этиш учун сармоя киритишлари зарур. БМТ раҳбарияти 19-февраль куни AҚШ яна Парижнинг иқлим келишувига қўшилишига қарор қилганини эслади. Президент Жо Байден лавозимига киришганидан сўнг, дарҳол ушбу қарорни қабул қилганди. Гутерришнинг таъкидлашича, бу қарорни амалга оширишга қаратилган чора-тадбирлар иқлим ўзгаришларига қарши глобал курашга муҳим ҳисса бўлиб қўшилади.
Бош котибнинг эслатишича, бугунги кунда барча карбонат ангидрид чиқиндиларининг учдан икки қисмини юзага келтираётган йирик давлатлар углерод нейтраллигига тайёр эканликларини билдиришган. Улар орасида AҚШ, Жанубий Корея, Япония, Хитой ва Европа Иттифоқи мамлакатлари бор.
“Углерод нейтраллиги” ёки “Ноль эмиссия” атамаси карбонат ангидрид чиқиндилари океанлар ва ўрмонлар сингдирадиган миқдордан ошмаслигини англатади.
