Кадастр агентлигининг Қашқадарё вилояти бошқармаси бошлиғи ўзгарди

Мамлакатимизда 3 мар 2021, 14:54 6 878

Усмонов Жасур Зиёдуллаевич – Ўзбекистон Республикаси Давлат солиқ қўмитаси раисининг буйруғига асосан Давлат солиқ қўмитаси ҳузуридаги Кадастр агентлигининг Қашқадарё вилояти бошқармаси бошлиғи вазифасини бажарувчи этиб тайинланди.

Жасур Усмонов шу кунга қадар Кадастр агентлигининг Сурхондарё вилояти бошқармаси бошлиғи вазифасида ишлаб келаётган эди.

Маълумот учун, бундан аввал Кадастр агентлиги Қашқадарё вилояти бошқармаси бошлиғи лавозимида Сарвар Тўраев фаолият кўрсатган. У айни пайтда ўринбосар лавозимига ўтказилган.