Австралиянинг Мельбурн шаҳридаги Тёрнер номидаги мия ва руҳий саломатлик институти олимлари ана шундай хулосага келишди.
Тадқиқотчилар 1995 йилдан 1998 йилгача ва 2001 йилдан 2003 йилгача уйқу бўйича ўтказилган иккита тадқиқотда қатнашган 60 ёшдан ошган 346 кишининг маълумотларини таҳлил қилишди. Маълум бўлишича, уйқунинг ўртача давомийлиги иккинчи тадқиқотнинг бошида қисқарган, бу ёш билан боғлиқ ҳолда уйқу давомийлигининг секин камайишини кўрсатади. Кейинги 17 йиллик кузатув давомида деменция билан боғлиқ 52 та ҳолат қайд этилди.
Маълумки, тўйиб ухлаш миянинг соғлом қаришини таъминлайди ва метаболик чиқиндиларни марказий асаб тизимидан, шу жумладан Альцгеймер касаллигида тўпланган оқсилларни тозалашга ёрдам беради.
Тадқиқот натижалари уйқунинг камайиши деменция учун ўзгарувчан хавф омили бўлиб хизмат қилиши мумкинлигини кўрсатди, деб хабар беради lenta.ru.
