Сўнгги қурбон Камбоджа билан чегарада жойлашган Сисакет вилоятидан бўлган 20 ёшли аскар бўлган. Аввалроқ Таиланд ҳарбийлари 68 киши яраланганини хабар қилишган эди. Шу билан бирга, Таиланд ҳарбийларининг маълумотларига кўра, 61 нафар Камбоджа кучлари ҳалок бўлган.
Таиланд-Камбоджа чегарасида 7 декабрь куни кичик қуроллар билан тўқнашувлар бошланди. Таиланд Қироллик армияси душанба куни Камбоджа кучлари эрта тонгда чегара ҳудудидаги Таиланд позицияларини ўққа тута бошлаганини хабар қилди. Бунга жавобан Таиланд ҳаво кучлари Камбоджа ҳарбий инфратузилмасига ҳужум қилди. Таиланд армиясининг иккинчи округи Камбоджа душанба ва сешанба кунлари Таиланд ҳудудига БМ-21 ракеталарини отганини, шунингдек, камикадзе дронларидан фойдаланганини хабар қилди. Таиланд кучлари асосий ҳудудларни назорат қилиш ва душманга зарар етказиш учун жавоб ўқларини отди, деб хабар берди tass.ru.
