Биринчи марта 2011-2012 йилларда Владивостокда кана чақиши натижасида номаълум вирусни юқтириш ҳолатлари аниқланган. Касал бўлганларда уч-беш кун давомида ўткир респиратор синдромли иситма юзага келган эди.
Ўн йил ўтгач, Роспотребнадзорнинг “Вектор” давлат вирусология ва биотехнология илмий маркази олимлари тадқиқот ўтказишди ва бу Хасеки вируси эканлигини аниқлашди. Таҳлил учун Владивостокда кана чаққан беморларнинг зардоби архив намуналари, шунингдек, Новосибирскдаги катта ёшли каналар ва одам зардоби намуналари танлаб олинди.
Хасеки вируси ҳам алоҳида, ҳам бошқа каналардан юқадиган инфекциялар билан бирга мавжуд бўла олади, дейилади aif.ru сайтида.
“Биз аниқ айтишимиз мумкинки, вирус нафақат Россиянинг икки минтақасида тарқалмоқда, унинг тарқалиш географияси анча кенгроқ”, деди “Вектор” Марказининг катта илмий ходими, биология фанлари номзоди Михаил Карташов.
