Мутахассис SARS-CoV2 вируси аввалги SARS-CoV1 (атипик пневмония) сингари йўқолмайди, деган фикрни билдирди. Эҳтимол, бу ЎРВИни келтириб чиқарадиган катта микроорганизмлар гуруҳининг вирусларидан бирига айланади. Брико, 2009-2010 йилларда пандемияга сабаб бўлган, кейин йўқ бўлиб кетган грипп вирусини мисол келтирди. Эпидемиолог айни пайтда кузатилаётган касалликнинг кучайиши ҳақида ҳам фикр билдирди. Унга кўра, бу ҳар бир организмнинг индивидуал хусусиятларига боғлиқ.
“Патогеннинг заҳарлилиги ва унинг инсон танасига кирган миқдори (дозаси) катта аҳамиятга эга”, деб таъкидлади Брико.
Шунингдек, у иш жойларидаги алоқалар даражасининг кескин ўсиши, жамоаларда одамларнинг бир-бири билан яқин мулоқотда бўлиши, гавжум жойлар ва жамоат транспорти, ниқоб тақиш тартибига риоя қилмаслик “қўзғатувчининг ҳаводаги томчилар билан юқиши ва тарқалиши имкониятини сезиларли даражада ошишига” олиб келганини таъкидлади.
