Россиялик умумий амалиёт шифокори Надежда Чернишова коронавирус билан касалланганидан кейин қон ивиши хавфини минималлаштириш учун қандай қоидаларга амал қилиш кераклигини маълум қилди.
Шифокорнинг сўзларига кўра, тромбознинг олдини олиш учун сиз тез-тез ҳаракат қилишингиз ва кўпроқ суюқлик истеъмол қилишингиз керак бўлади.
“Кўпроқ сув ичинг, чунки бу касаллик кўпинча сувсизланиш билан юзага чиқади. Бир ҳолатда, айниқса компьютерда узоқ вақт ўтирманг, чунки қон пастга тушади ва бу ерда у оёқ томирларида турғунлашади, шунинг учун тромбоз хавфи юзага келади. Бундан ташқари, спорт билан шуғулланинг, ҳаракатларингиз жадал бўлсин”, — деди мутахассис.
Шу билан бирга, у қонни суюлтирувчи дориларни профилактик қабул қилишдан сақланишга чақирди. Чунки улар ён таъсирга эга. Бундай дори-дармонларни шифокор фақат соғлиғингизга хавф туғилгандагина буюриши керак.
Терапевт, шунингдек, кучли бош оғриғи, қўллар, оёқларда заифлик, гапириш ва табассум қилиш қийин бўлса, бу инсульт белгиси бўлиши мумкинлигини қўшимча қилди.
“Шундай белгилар кузатилса тезда касалхонага бориш керак. Белгилар намоён бўла бошлагандан сўнг икки соат давомида шифокорлар ёрдам беришга улгуради. Қон ивиши меъёрига келади ва хавф ортда қолади”, деди мутахассис.
“Сиз ҳушёр бўлишингиз лозим, лекин мен касал бўлиб қолганман, тромбоз пайдо бўлади, деб, ўзингизни ваҳима қўйманг. Шифокорингиз билан мунтазам алоқада бўлинг, унга барча тушунарсиз ҳолатлар ҳақида айтиб туринг. Шунда соғлигингизни асраган бўласиз”, — дея хулоса қилди мутахассис Москва 24 телеканалига берган интервьюсида.
