“Бу рақам якуний эмас”, дея қўшимча қилди манба.
Аввалроқ Россия Тергов қўмитаси 115 кишининг ўлими ҳақида хабар берган эди.
22 март куни кечқурун Красногорскдаги “Крокус Сити Холл” биносида теракт содир бўлди. Номаълум шахслар “Пикник” гуруҳининг концерти бошланишидан олдин отишма бошлаган. Кейинроқ бинода портлаш содир бўлиб, ёнғин бошланган, дейилади tass.ru хабарида.
Тергов қўмитаси томонидан тақдим этилган биноларни дастлабки текшириш натижаларига кўра, ҳужум уюштирган шахслар автоматлардан фойдаланган. Терговчилар уни ўқ-дорилар билан бирга топиб, олиб қўйишган.
Москва вилояти Соғлиқни сақлаш вазирлиги “Крокус Сити Холл”даги теракт оқибатида жароҳатланганлар рўйхатини эълон қилди. Рўйхатда 121 киши бор, улардан 107 нафари касалхонага ётқизилган, 14 нафар жабрланувчига амбулатор ёрдам кўрсатилмоқда, деб хабар беради gazeta.ru.
