Унинг қайд этишича, ҳодиса 12 июнь куни кечқурун Алексеевск қишлоғи яқинида содир бўлган. Портда таъмирланаётган ТР-901 танкери 832 тонна бензин олиб кетаётган ТР-900 Ерофей Хабаров танкери билан тўқнашиб кетди.
Тўқнашув натижасида цистерналардан бирига зарар етган, унда 138 тонна ёқилғи бўлган, у дарёга қуйила бошлаган.
Ҳудуд раҳбарининг сўзларига кўра, Лена акваториясига 60 дан 90 тоннагача АИ-92 бензини тўкилиши мумкин эди. Ҳозирги вақтда нефть доғи бир қанча аҳоли пунктларини қамраб олган.
Танкерлар тўқнашуви содир бўлган жойда прокурорлар ва терговчилар ишламоқда, улар кемаларни текширишмоқда ва экипажни сўроқ қилишмоқда. Ҳолат юзасидан жиноий иш қўзғатилган.
Шарқий Сибир транспорт прокуратурасининг хабар беришича, ТР-900 танкерига капитан ёрдамчиси раҳбарлик қилган. Тиббий экспертиза капитаннинг маст ҳолатда эканлигини кўрсатди, деб хабар беради korrespondent.net.
