Бу ҳақда вазир ўзининг телеграмдаги каналида маълум қилди.
"Испания ташқи ишлар, Европа Иттифоқи ва ҳамкорлик масалалари бўйича вазири Хосе Мануэл Албарес Буэно жаноблари билан телефон орқали мазмунли ва конструктив мулоқот ўтказдик.
Яқин Шарқдаги кескинлашиб бораётган вазият юзасидан фикр алмашиб, халқаро ҳуқуқ нормаларига қатъий риоя этиш, кескинликни пасайтириш ва мулоқот барқарор тинчликка эришишнинг ягона мақбул йўли эканини таъкидладик.
Шунингдек, икки томонлама муносабатларимизнинг изчил ривожланиш масалаларини муҳокама қилдик. Мадрид шаҳрида бўлажак Ўзбекистон–Испания бизнес-форумини мамнуният билан қайд этдик ҳамда устувор йўналишлар бўйича ҳамкорликни кенгайтиришга ўзаро манфаатдор эканимизни тасдиқладик", — дейилади хабарда.
