Малайзия Бош вазири Исмоил Сабри парламент тарқатиб юборилганини маълум қилди. Бу ҳақда “Тhе Nеw Straits Times” хабар бермоқда.
Бош вазирнинг сўзларига кўра, бу қарор монарх Янг ди-Пертуан Агонг томонидан тасдиқланган. Энди Малайзияда 60 кундан кечиктирмай муддатидан олдин парламент сайловлари ўтказилиши керак. Парламентни тарқатиб юбориш тўғрисидаги қарор ҳукмрон коалициядаги бир неча фракция Сабрига муддатидан олдин сайловлар ўтказиш учун босимни кучайтирганидан кейин қабул қилинди.
