Бирлашган Миллатлар ташкилотининг озиқ-овқат ва қишлоқ хўжалиги ташкилоти (ФАО) лойиҳаси кавш қайтарувчи жониворларни кўпайтириш секторида экологик зарарсиз усулларни жорий этиш бўйича тавсиялар ишлаб чиққан олимлар билан яқин ҳамкорликда йўлга қўйилган эди.
Лойиҳанинг расмий номи — «Марказий Осиёнинг айрим мамлакатларида кавш қайтарувчи жониворларни кўпайтириш ишида паст углеродли ва иқлимга мос ривожланиш йўлларини аниқлаш».
«Тадқиқот лойиҳанинг муҳим элементи эди; биз университет билан ҳамкорликда жойларда (қишлоқ хўжалигини бошқаришнинг) усул ва амалиётини батафсил ўргандик, шунингдек онлайн шаклда ва ҳар бир мамлакатда уч марта шахсий учрашув орқали ҳамкорлар билан маслаҳатлашдик», — деди ФАОнинг барқарор чорвачилик бўйича мутахассиси Юрий Нестеров.
Бишкекдаги тадқиқот ниҳоясига етгач, якунловчи конференция ўтказилди. Унда тавсиялар акс этган маърузалар тақдим этилди. Ушбу тавсиялар чорвачилик ишлаб чиқаришнинг барча бўғинларида биофизик жараёнлар ва ҳар хил фаолият турларини моделлаштиришга қаратилган эди, деб хабар беради «Новотсти ООН».
