Тадбир доирасида ушбу фуқаролар муаммолари ўрганилди. Жумладан, 1-гуруҳ ногиронлиги бўлган Акбар Менглиев ва Дурдона Менглиеванинг таянч ҳаракат аъзоларида муаммоси борлиги сабабли мустақил ҳаракатлана олмаслиги ҳисобга олиниб, уларнинг интернет тармоғидан фойдаланишини йўлга қўйиш мақсадида ҳомийлар ёрдамида компьютер жамланмаси ва тикув машинаси олиб бериладиган бўлди. Шунингдек, “Маҳалла” хайрия жамоат фонди ҳамда саховатпеша тадбиркор Баҳром Сафаров томонидан 2 миллион сўмлик ҳомийлик маблағлари ажратилди, дея хабар беради “Маҳалла” хайрия жамоат фонди Сурхондарё вилоят бўлими Ахборот хизмати.