Мексика коронавирус билан ўлим кўрсаткичи бўйича учинчи мамлакатга айланди, фақатгина АҚШ ва Бразилия Мексикадан юқорида турибди. Мамлакатда 46 688 та ўлим ҳолати қайд этилган, жами 424 637 та одам инфекция билан касалланган.
Мексикада маҳаллий маъмурлар касалликларнинг ҳақиқий сони хабар қилинганларга қараганда анча юқори бўлишига ишонишмоқди.
Президент Андрес Мануел Лопез Обрадор мамлакат иқтисодиётини тиклашга тайёр. Ҳукумат май ойидаги чекловларни олиб ташлаш бўйича босқичма-босқич режани эълон қилди.
Пойтахт Мехико шаҳрида юз минглаб завод ишчилари ўз ишларига қайтишди. Аммо танқидчиларнинг таъкидлашича, жаноб Обрадор эҳтиёт чораларини қўлламаган ва уларни жуда тез олиб ташлаган. Мексика иқтисодиётининг кўп қисми 23 март куни тўхтади. Аммо мамлакатнинг баъзи саноат тармоқлари учун чекловлардан озод қилиниши муҳим эди.
Жума куни ўнта штат губернатори ҳукуматнинг ушбу касалликка қарши курашини қаттиқ танқид қилдилар ва соғлиқни сақлаш вазирининг ёрдамчиси, эпидемиолог Хуго Лопез Гателлни истеъфога чиқишга чақирдилар.
