Мексика Россиянинг коронавирусга қарши вакцинасига қизиқиш билдирмоқда

Саломатлик 20 авг 2020, 09:16 1 183

Мексика Россиянинг “Спутник V” коронавирусга қарши вакцинасини олишга қизиқмоқда. Бу ҳақда ташқи ишлар вазири Марсело Эбрард ўзининг Twitterдаги расмий саҳифасида маълум қилди.

Бир кун олдин Мексика ТИВ раҳбари Россия элчиси Виктор Коронелли билан учрашди.

Учрашув давомида Эбрард Мексика Россия вакцинасини имкон қадар тезроқ олиши учун клиник синовларнинг учинчи босқичи қандай ўтаётганига қизиқиш билдирди.

Аввалроқ, Мексика раҳбари Андрес Мануэль Лопез Обрадор ҳам коронавирусга қарши Россия вакцинасини ўз мамлакатида биринчи бўлиб синовдан ўтказишга тайёрлигини маълум қилганди.