Маданият вазири Озодбек Назарбеков Туркияга сафари давомида Меҳмет Боздағ таклифига биноан, Озарбайжон Маданият вазири Анар Керимов билан биргаликда “Bozdag’ film” кинокомпаниясининг суратга олиш майдончасида ҳам бўлди.
Айтиш мумкинки, ўзбек киномухлислари қалбидан чуқур жой олган "Эртуғрул", “Эртуғрул Дирилиш”, ”Қурилиш.Осман”, “Мендирман Жалолиддин” каби тарихий сериаллар тасвирга олинган ушбу майдонга кирган киши ўзини ўтмишга тушиб қолгандек ҳис қилади. Беихтиёр кўз олдингизда ўша давр гавдаланади.
Ана шундай таассуротлардан сўнг, Меҳмет Боздағ билан “Мендирман Жалолиддин” сериалининг иккинчи мавсумини суратга олиш ҳақида ҳам фикр-мулоҳазалар алмашилди.
