Метрополитен ахборот хизматининг маълум қилишича, Тошкент шаҳрининг Фарғона йўли кўчасидан “Қўйлиқ” деҳқон бозори томон қурилаётган йўл ўтказгичининг метрополитен "Ер усти ҳалқа йўли" йўналиши 6- ва 7-бекатлари оралиғи ер устки қисмида қурилиш конструкцияларининг бетон ишлари амалга оширилади. Шу муносабат билан 7-бекат (Қўйлиқ) 2022 йил 10 ноябрь куни соат 21:00 дан йўловчиларга вақтинча хизмат кўрсатмайди. "Ер усти ҳалқа йўли" йўналишида поездлар ҳаракати "Дўстлик-2" бекати билан 6-бекат оралиғида ташкил этилади.
11 ноябрдан "Ер усти ҳалқа йўли" йўналишида поездлар ҳаракати доимий жадвал асосида амалга оширилади.
"Келтирилган ноқулайликлар учун узр сўраймиз", дейилган хабарда.
