“Рёнхап” агентлиги Жанубия Корея телевидениесининг SBS янгиликлар дастури собиқ бошловчиси Ким Сон Чжу метрода қизни яширинча суратга олгани учун олти ой қамоқ жазосига ҳукм қилинганини маълум қилди.
Бундан ташқри Сеул суди 56 ёшли телебошловчига шаҳвоний жиноятчилар учун мўлжалланган 40 соатлик даво курсини тайинлаган.
Телебошловчи 2019 йилнинг июль ойида кечаси Сеул метрополитенининг «Yeongdeungpo Ward Office» станциясида аёлнинг оёқларини мобиль телефонида суратга олган.
Шу йилнинг декабрида унга айблов эълон қилинган. Прокурорлар Ким учун бир йиллик қамоқ жазосини талаб қилишган. Телебошловчи айбига иқрор бўлган ва жабрланувчидан узр сўраган. Бироқ унинг таъкидлашича, суд жараёнида қонунбузарликлар кузатилган. Жумладан, у тинтув ва мусодарани ноқонуний деб ҳисоблайди.
