Тадбир давомида Самарқанд шаҳридаги 45-умумий ўрта таълим мактаби директори ўринбосари Д.М. таниши Қ.М.ни Қозоғистон Республикасидаги Мирас университетига киритиб қўйиш эвазига Самарқанд шаҳридаги МИБ вилоят бошқармаси маъмурий биноси ёнида ундан 5500 АҚШ долларини олаётганда ушланиб, ушбу пуллар ашёвий далил сифатида ҳужжатлаштириб олинди.
Тўпланган ҳужжатлардан кўринишича, 45-умумий ўрта таълим мактаби директори ўринбосари Д.М. томонидан фирибгарлик, яъни алдаш ва ишончни суиистеъмол қилиш йўли билан ўзганинг анча миқдордаги мулкини қўлга киритиш ҳамда мансабдор шахсга пора беришга далолат қилишда ифодаланган ҳаракатлар аён бўлди. Шунга кўра, Д.М.га нисбатан Ўзбекистон Республикаси Жиноят кодексининг 168-моддаси 2-қисми “а” банди ва 28-, 211-моддаси 1-қисми билан жиноят иши қўзғатилди.
Иқтисодий жиноятларга қарши курашиш департаменти Самарқанд
вилояти бошқармаси ахборот хизмати.
