Унда таъкидланишича, жадал ислоҳотлар дастури, шунингдек, республикада коронавирус тарқалишига қарши курашиш барча давлат муассасалари раҳбарларининг жавобгарлик даражасини оширганлиги катта аҳамиятга эга.
Бундан ташқари, барқарор иқтисодий ва ижтимоий ривожланишни қўллаб-қувватлаш мақсадида, шу жумладан, пандемия даврида қабул қилинган Президент ҳужжатлари ижроси устидан жамоатчилик назорати кучайтирилган. Хусусан, Олий Мажлис палаталарига халқ депутатлари маҳаллий Кенгашлари билан биргаликда пандемияга қарши кураш доирасида қабул қилинган ҳужжатлар ижроси устидан самарали назоратни ўрнатиш тавсия этилган.
Нашр, шунингдек, Ўзбекистонда иқтисодий фаолликни тиклаш бўйича кенг қамровли чоралар кўрилаётганини ёзади. Хабар қилинишича, май ойининг биринчи ўн кунлигидан бошлаб, мамлакатда карантинни чекловчи чораларни босқичма-босқич юмшатиш бошланган. Саноат, қурилиш, хизмат кўрсатиш ва савдо соҳаларидаги 134 мингта корхона фаолияти тикланди. Солиқ ва божхона тушумлари ва тижорат банклари томонидан берилган кредитлар ҳажми эса кўпайди.
